Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 47.47 | Dem. 47.49 (English) | >>Dem. 47.52 |
47.48διπλῆν οὖν αὐτοὺς δεῖ δίκην δοῦναι , ὅτι τε ἐξηπάτησαν τοὺς δικαστὰς ψευδεῖς μαρτυρίας παρασχόμενοι , κηδεστοῦ καὶ ἀδελφοῦ , καὶ ὅτι ἐμὲ ἠδίκησαν , λῃτουργοῦντα μὲν ὑμῖν προθύμως , ποιοῦντα δὲ τὰ προσταττόμενα , ὑπηρετοῦντα δὲ τοῖς νόμοις καὶ τοῖς ψηφίσμασιν τοῖς ὑμετέροις . ὡς δὲ οὐκ ἐγὼ μόνος παρέλαβον παρὰ τῆς ἀρχῆς τοῦτον εἰσπράξασθαι σκεύη ὀφείλοντα τῇ πόλει , ἀλλὰ καὶ ἄλλοι τῶν τριηράρχων ἑτέρους εἰσεπράξαντο οὓς παρέλαβον , ἀνάγνωθί μοι αὐτῶν τὰς μαρτυρίας .βούλομαι τοίνυν , ὦ ἄνδρες δικασταί , καὶ ἃ πέπονθα ὑπʼ αὐτῶν διηγήσασθαι ὑμῖν . ἐπειδὴ γὰρ ὦφλον αὐτοῖς τὴν δίκην ἐφʼ ᾗ τοὺς μάρτυρας τούτους διώκω τὰ ψευδῆ μεμαρτυρηκότας , προσελθὼν τῷ Θεοφήμῳ μελλούσης μοι ἤδη ἐξήκειν τῆς ὑπερημερίας , ἐδεήθην αὐτοῦ ἐπισχεῖν μοι ὀλίγον χρόνον , λέγων τὰς ἀληθείας , ὅτι πεπορισμένου τοῦ ἀργυρίου ὃ ἔμελλον αὐτῷ ἐκτίνειν συμβέβηκέ μοι τριηραρχία ,
47.50καὶ ἀποστέλλειν διὰ τάχους δεῖ τὴν τριήρη , καὶ ὁ στρατηγὸς Ἀλκίμαχος αὑτῷ παρασκευάζειν κελεύοι ταύτην τὴν ναῦν · τὸ οὖν ἀργύριον τὸ πεπορισμένον τῷ Θεοφήμῳ ἀποδοῦναι ἐνταῦθα κατεχρησάμην . ἐδεόμην δʼ αὐτοῦ ἀναβαλέσθαι τὴν ὑπερημερίαν , ἕως ἂν τὴν ναῦν ἀποστείλω . ὁ δὲ ῥᾳδίως μοι καὶ ἀκάκως ἀποκρίνεται · “οὐδὲν κωλύει ”, ἔφη · “ἀλλʼ ἐπειδὰν τὴν ναῦν ἀποστείλῃς , πόριζε καὶ ἐμοί .”
Μαρτυρίαι
47.49
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 47.47 | Dem. 47.49 (English) | >>Dem. 47.52 |